प्रधानमन्त्री सुशीला कार्कीद्वारा लैनचौरस्थित शहीद स्मारकमा श्रद्धान्जली अर्पण (तस्वीरहरू)

काठमाडौँ । नवनियुक्त प्रधानमन्त्री सुशीला कार्कीले आफ्नो कार्यकालको पहिलो दिन ऐतिहासिक महत्त्व बोकेका सहिद स्मारक स्थलमा पुगेर श्रद्धाञ्जली अर्पण गर्नुभएको छ ।

आज बिहानै उहाँले लैनचौरस्थित सहिद गणतन्त्र उद्यान र सहिदगेटमा रहेको सहिदका सालिकमा माल्यार्पण गर्दै राष्ट्रिय स्वतन्त्रता, लोकतन्त्र र जनआन्दोलनका लागि ज्यान अर्पण गरेका अमर सहिदहरूलाई स्मरण गर्नुभयो।

सहिदप्रति माल्यार्पण पश्चात प्रधानमन्त्री कार्की सिंहदरबार प्रस्थान गर्नुभयो, जहाँ उहाँले पदबहालीको औपचारिक प्रक्रिया पूरा गर्नुभयो।

राष्ट्रपति रामचन्द्र पौडेलले भदौ २७ गते उहाँलाई अन्तरिम सरकारको प्रधानमन्त्रीमा नियुक्त गर्नुभएको थियो। प्रधानमन्त्री कार्कीको यो पहिलो गतिविधिले मुलुकमा लोकतान्त्रिक मूल्य र सहिदको बलिदानप्रति सरकारको प्रतिबद्धता पुनः स्मरण गराएको टिप्पणी गरिएको छ।

तस्वीरहरू : नेपाल फोटो लाइब्रेरी